ممنوعیت فعالیت مخالفین طالبان در تاجیکستان

به گزارش وبسایت صنعت جهان، هیئتی از مقامات تاجیکستان به ریاست معاون استان ختلان به ولایت قندوز سفر کرده و با حبیب‌الرحمان صهیب، معاون والی قندوز دیدار کردند.

در این نشست، معاون استان ختلان ابراز تمایل به گسترش همکاری‌های دوجانبه کرد و اعلام کرد که دولت تاجیکستان به هیچ مخالف طالبان اجازه فعالیت در خاک خود نمی‌دهد و متعهد به حفظ روابط نیک با کابل است. وی همچنین بر خواست تاجیکستان برای تقویت روابط در زمینه‌های تجاری، اجتماعی و امنیتی تأکید کرد و کنترل مرزهای مشترک را برای امنیت منطقه حیاتی خواند.

معاون والی قندوز در مقابل، اظهار داشت که افغانستان خواستار روابط بر پایه احترام متقابل با همه کشورهای همسایه، به‌ویژه تاجیکستان است و بر نقش مؤثر همکاری‌های منطقه‌ای در تأمین ثبات و رشد اقتصادی دو کشور تأکید کرد.

این سفر در حالی صورت می‌گیرد که روابط افغانستان و تاجیکستان در دو دهه گذشته گاه با تنش‌هایی همراه بوده و یکی از موضوعات اصلی اختلاف میان دو کشور، حضور برخی مخالفان طالبان در خاک تاجیکستان عنوان شده است.

منبع: باشگاه خبرنگاران جوان